میرے پاک وطن، تُو ساری دُنیا سے پیارا ھے

میرے  پاک  وطن، تُو  ساری  دُنیا  سے  پیارا ھے

تیرے  سبر  ہِلالی  پرچم  میں دَرَخشِندہ تارا ھے

یہ بہتے دریا، بل کھاتی ندیاں کِتنی حَسِین ھیں

وادی  وادی شان  ھے تیری، کیا خُوب نَظارا ھے

سِندھ  بَلُوچِستان، پہچان  ھیں تیری  ثقافت کے

پختونخواہ چاند ھے تیرا، پنجاب تیرا ستارہ ھے

وادئِ کشمیر  تصویر  تیری، گِلگِت شَمشِیر تیری

مالِک نے جیسے، جَنّت کا  ٹُکڑا زمِین پر اُتارا ھے

تُو ایک تُحفہ ھے میرے پیاری نبی کی عطاؤں کا

لَا اِلٰهَ اِلّا الله کے ساۓ میں رَبّ نے تُجھے سَنوارا ھے

شَہِیدوں کے لَہُو سے ھُوئی آبیاری تیرے وجُود کی

بہنوں کی مَیلی  رِداؤں نے، حُسن تیرا نِکھارا ھے

میری ھر  سانس  تیری امانت ھے، اے  مادرِ وطن

تیرے دَم  سے میری زندگی ھے، تُو میرا سہارا ھے

سب شاد ھیں ماؤں کی اُجڑی گَود کے سبب ساجن

کوئی کیا جانے کُفر نےتُجھے کِس کَرب سے گُزارا ھے

                        عبدالرؤف ساجن