Tootnay par koi aye to phir aisa tootay

ٹوٹنے  پر کوئی  آئے  تو  پھر  ایسا  ٹوٹے

کہ جسے دیکھ کے ہر دیکھنے والا ٹوٹے

اپنے بکھرے ہوئےٹکروں کو سمیٹے کب تک

ایک  انسان  کی  خاطر  کوئی  کتنا   ٹوٹے

کوئی ٹکرا تیری آنکھ میں نہ چبھ جائے کہیں 

دور ہو جا کے میرے خواب کا  شیشہ  ٹوٹے

رنج  ہوتا  ہے تو ایسا  کہ  بتائے  نہ  بنے

جب کسی اپنے کے باعث کوئی اپنا  ٹوٹے

اتنی جلدی تو سنبھلنے کی توقع  نہ  کرو

وقت  ہی  کتنا  ہوا ہے میرا سپنا  ٹوٹے

ورنہ کب تک لیے پھرتا رہوں اس کو جواد

کوئی صورت ہو کہ امید سے  رشتہ ٹوٹے

جواد شیخ