وہ تو خوش بو ہے ہواؤں میں بکھر جائے گا - پروین شاکر - Nayab Shairy

 

شاعرہ 
پروین شاکر

وہ تو خوش بو ہے ہواؤں میں بکھر جائے گا

مسئلہ پھول کا ہے پھول کدھر جائے گا

ہم تو سمجھے تھے کہ اک زخم ہے بھر جائے گا

کیا خبر تھی کہ رگ جاں میں اتر جائے گا

وہ ہواؤں کی طرح خانہ بجاں پھرتا ہے

ایک جھونکا ہے جو آئے گا گزر جائے گا

وہ جب آئے گا تو پھر اس کی رفاقت کے لیے

موسم گل مرے آنگن میں ٹھہر جائے گا

آخر وہ بھی کہیں ریت پہ بیٹھی ہوگی

تیرا یہ پیار بھی دریا ہے اتر جائے گا

مجھ کو تہذیب کے برزخ کا بنایا وارث

جرم یہ بھی مرے اجداد کے سر جائے گا

-------------------------------

Wo To Khushbu Hai Hawaon Main Bikhar Jayega

Masla Phool Ka Hai Phool Kidhar Jayega

Ham To Samjhe The K Ek Zakhm Hai Bhar Jayega

Kya Khabar Thi K Rag-E-Jan Main Utar Jayega

Wo Hawaon Ki Tarah Khanabajan Phirta Hai

Ek Jhonka Hai Jo Ayega Guzar Jayega

Wo Jab Ayega To Phir Us Ki Rafaqat K Liye

Mausam-E-Gul Mere Angan Main Thahar Jayega

Akhir Wo Bhi Kahin Ret Pe Baithi Hogi

Tera Ye Pyar Bhi Dariya Hai Utar Jayega

Mujh Ko Tehzeeb Ke Barzakh Ka Banaya Waris

Jurm Ye Bhi Mere Aajdad Ke Sar Jaye Ga