کتنا مشکل ہے اذیت یہ گوارا کرنا , دل سے اترے ہوئے لوگوں میں گزارا کرنا - ghazal

 

کتنا مشکل ہے اذیت یہ گوارا کرنا

 دل سے اترے ہوئے لوگوں میں گزارا کرنا

 

زندگی ہم پہ یہ آسان بھی ہو سکتی تھی

 سیکھ لیتے جو کسی درد کا چارہ کرنا

 

کہاں جاتے ہو ابھی ساتھ گزارو  کچھ دن

ہم پہ مشکل کوئی آئے تو کنارہ کرنا

 

کتنا مشکل ہے جلانا کسی رستے میں چراغ

 کتنا آسان ہے ہواوں کو اشارہ کرنا

 زندگی ہم تو چلو مان گئے سہہ بھی گئے

 ایسا برتاؤ کسی سے نہ دوبارہ کرنا