آ تُجھے بتاؤُں میں، کیا ھے صداقت حُسَین کی | nayab Urdu Shairy

 آ تُجھے بتاؤُں میں، کیا ھے صداقت حُسَین کی

اللہ کی رضائے ھے مَحَبّت و عقِیدت حُسَین کی

جِگر گوشہءِ بَتُول ھیں، اور نواسہءِ رسُول بھی

دونوں جہاں میں ھے قائِم، یہ عِزت حُسَین کی

حیدرِ کرّار کی جان ھیں تو حَسَن پاک کا مان ھیں

دُنیا تمام جانتی ھے، خاندانی شرافت حُسَین کی

گُلوئے پاک پر دے دے کر بوسے رَسُولِ کرِیم نے

مُقدّر میں ثَبت کر دی، عَظِیم شہادت حُسَین کی

اِبنِ عقِیل اور اُن کے دو پِسران بھی قُربان ھو گئے 

حُسَین سے پہلے کُوفہ پہنچ گئی شُہرت حُسَین کی

عبّاس کی اِس جَوانمَردی پہ جُھوم اُٹھا فُرات بھی

کُوفیوں کو یاد رَھے گی سدا یہ اَخُوّت حُسَین کی

قاسِم کے سہرے کی لَڑیاں مہک اُٹھِیں صحرا میں

باطِل کو خِیرہ کر گئی تا قیامت، طاقت حُسَین کی 

تصویرِ رسُول علی اکبر بھی راھئِ باغِ بَہِشت ھُوئے 

کَربَلا والوں نے چِھین لی یہ بھی راحت حُسَین کی

علی اصغر کی معصُوم شہادت بھی تو بےمِثل ھے

بِن کِھلے ھی چمن کو مہکا گئی لطافت حُسَین کی

دِکھائے ایک سے بڑھ کر ایک جَوھَر شُہدائے کربلا نے

کہ اَمَر ھو گئی کَونَین میں یُوں رفاقت حُسَین کی

عاشِقانِ اھلِ بَیت نے بھی ادا کی ھے وہ نمازِ عِشق

عِشق کو سَر بُلند کر گئی وہ اعلیٰ اِمامت حُسَین کی

کَربَل کے قاری اعظم پر تو رشک کرتا ھے عَرش بھی

یزیدی کانپ اُٹھے سُن کے نیزے پہ تِلاوت حُسَین کی

دُشمَنانِ دِیں کو یُوں پَچھاڑا ھے شیرِ خُدا کے شیر نے

تاریخ کو بھی حیرت زدہ کر گئی شُجاعت حُسَین کی

ساجن دیکھا نہیں ھے آسماں نے ایسا سجدہ زمیں پر

نانا کے اِسلام کو زِندہ کر گئی ھے عِبادت حُسَین کی

 

عبدالرؤف ساجن