رات کے آخری پہروں میں زرد شگن کے گھیروں میں خود کو ماضی برد کیا آباد پھر سے درد کیا | nayab urdu shairy

 رات کے آخری پہروں میں 

زرد شگن کے گھیروں میں 

خود کو ماضی برد کیا 

آباد پھر سے درد کیا

سناٹا لوری سُناتا تھا

من کو بے حد بھاتا تھا

بوجھل سانسوں میں کوئی 

اپنا آپ بُھلاتا تھا 

دُور کوئی گھڑیال بجا 

گُزرا کل لو آج بجا 

دھیمی سی سرگوشی ہوئی 

بدن میں انوکھا راگ بجا

مُشکل تھی وہ رات مگر

جھُوٹی تھی ہر بات مگر

وہ لہجہ غضب کا لہجہ تھا

ہمیں ہو گئی پھر شہ مات مگر

یہ جوگ بجوگ سب دھوکہ ہے

کون کس کے روگ روتا ہے 

کل دیکھا تھا پھر درپن میں 

وہ نہیں تھا روز جو ہوتا ہے 

دیکھ ادھوری میری چال نہ کر

میرے زخموں پر ملال نہ کر 

رکھ شہہ رگ پہ ہاتھ کڑاا

میرے درد کا تُو خیال نہُ کر

میرے محسن میرے شاہ پیا

میرے اندر بنا کوئی راہ پیا

مُجھ پریت لگن کے منڈپ میں 

ہو دو وقتوں کا بیاہ پیا

کوئی اُجلی صبح پھیر ادھر

ہو جل تھل کا پیڑ ادھر

دشت کی سُرخ زمینیں سُن 

دیکھ من کی ریگ کا ڈھیر ادھر

من کی لاشیں چُنتا جا 

مایا راگ بس دُھنتا جا

کوئی اشک بہا ندامت کے

کُچھ اپنا کل بھی سُنتا جا  

فیصل ملک!