اوڑھ لی جب سے یہ رِدائے غم

Urdu Ghazal

 اوڑھ لی جب سے یہ رِدائے غم

دل دُکھاتی نہیں نوائے غم

سازِ الفت میں سوز پنہاں ہے

مجھ کو بھاتی ہے اب صدائے غم

اب میں تنہا کبھی نہیں ہوتا

ساتھ میں ہے تِری عطائے غم

اُڑ گئے سب وجود کے ریزے

جانے کیسی چلی ہوائے غم

بَین کرتی ہیں اب بہاریں بھی

کِس نے گلشن کو دی نِدائے غم

مجھ کو مجھ سے ہی اِس نے مِلوایا

کتنی پیاری ہے یہ ادائے غم

میری قسمت میں جب وفا ہی نہ تھی

مجھ کو مِلنی ہی تھی سزائے غم

دردِ فرقت وہی تو سمجھے گا

جو کہ خود بھی ہو مبتلائے غم 🖤

Tags : Ghum , Dard , ulfat ,sad Shairy