‏الف سے شعر ....

اسے کہنا ضروری ہو اگر قمیت شب غم کی 

تو یہ ٹوٹا ہوا دل چن کے اپنے دام لے جانا

اعتبار ساجد

------------------------------

ابر بھی جھیل پر برستا ہے

کھیت ایک بوند کو ترستا ہے ہے

فرزانہ نیناں

---------------------------

آنکھ سے دور نہ ہو دل سے اتر جائے گا

وقت کا کیا ہے گزرتا ہے گزر جائے گا گا

احمد فراز

-----------------------------

اس نگری کے کچھ لوگوں نے

دکھ کا نام دوا رکھا ہے

ناصر کاظمی

-----------------------------

اے جانِ فراز اتنی بھی توفیق کسے تھی

ہم کو غمِ ہستی بھی گوارا ہے کہ تم ہو

احمد فراز

-----------------------------

اب اور کیا کسی سے مراسم بڑھائیں ہم

یہ بھی بہت ہے  تجھ کو اگر بھول جائیں ہم

احمد فراز

-----------------------------

اس کی ہر بات میں ہوتا ہے کسی بھید کا رنگ

وہ طلسمات کا پیکر ہے ،کہ اسرار کا شہر

شکیب جلالی

----------------------------

آج تو مل کے بھی جیسےنہ ملے ہوں تجھ سے

چونک اٹھتے تھے کبھی تیری ملاقات سے ہم 

جان نثار اختر

----------------------------

اب تک دلِ خوش فہم کو تجھ سے ہیں امیدیں 

یہ  آخری   شمعیں  بھی  بجھانے  کے  لیے  آ

احمد فراز

----------------------------

اسی کے درد سے ملتے ہیں سلسے جاں کے

اسی کے نام لگا دو ملال جو بھی ہو 

احمد فراز

----------------------------