کوئی ہمیں بھی تو بتائے...

کوئی ہمیں بھی تو بتائے

کہاں بکتی ہے مُشکِ عشق

کہاں رہتی ہیں زُلیخائیں

کہاں سجدہِ نقشِ پا ہے

کہاں جبینیں ہیں سُرخ رو

کہاں بسیرا ہے انجمنوں کا

کہاں پہرا ہے چلمنوں کا

کہاں ٹہرے ہیں مسافرِ عشق

کہاں پہ اُترا ہے وجد کا نور

کہاں مسافتیں محوِ انتظار

کہاں ٹھکانہ ہے شوقِ نظر کا

کہاں پہ ملتے ہیں حضرتِ خضر

کہاں پہ رُکتے ہیں سفینے آ کر

کہاں پہ اُڑتی ہے خاکِ محبت

کہاں پہ ملتا ہے سُرمہِ عشق

کہاں ہے طوافِ آرزو کا گُزر

کہاں زمانہ بھرتا ہے آہیں

کہاں پہ ٹکتی ہے راہِ شوق

کہاں پہ ختم آرزوؤں کا سفر

کہاں پہ وصال کا لمحہ امر

کوئی لے جائے اس نگر

کوئی بتائے لمحہ ِ حشر

کوئی ہمیں بھی بتائے زرا

( فیصل ملک)