دوست بن کر بھی نہیں ساتھ نبھانے والا , وہی انداز ہے ظالم کا زمانے والا

دوست بن کر بھی نہیں ساتھ نبھانے والا

وہی انداز ہے ظالم کا زمانے والا

اب اسے لوگ سمجھتے ہیں گرفتار مرا

سخت نادم ہے مجھے دام میں لانے والا

صبح دم چھوڑ گیا نکہت گل کی صورت

رات کو غنچۂ دل میں سمٹ آنے والا

کیا کہیں کتنے مراسم تھے ہمارے اس سے

وہ جو اک شخص ہے منہ پھیر کے جانے والا

تیرے ہوتے ہوئے آ جاتی تھی ساری دنیا

آج تنہا ہوں تو کوئی نہیں آنے والا

منتظر کس کا ہوں ٹوٹی ہوئی دہلیز پہ میں

کون آئے گا یہاں کون ہے آنے والا

کیا خبر تھی جو مری جاں میں گھلا ہے اتنا

ہے وہی مجھ کو سر دار بھی لانے والا

میں نے دیکھا ہے بہاروں میں چمن کو جلتے

ہے کوئی خواب کی تعبیر بتانے والا

تم تکلف کو بھی اخلاص سمجھتے ہو فرازؔ

دوست ہوتا نہیں ہر ہاتھ ملانے والا

--------------------------------------------------------

Dost ban kar bhi nahi saath nibhane wala

Wohi andaz hai zalim ka zamane wala

Ab ise log smjhte hein giraftaar mere

Sakhat nadim hai mujhe daam mein lane wala

Subah dam chor gaya nighat e gul ki surat 

Raat ko guncha e dil mein simat ane wala

Kia kahein kitne marasim thy humare is se

Wo jo eik shakhs hai munh pher k jane wala

Tere hote hue aa jati thi sari duniya

Aj tanha hon to koi nahi ane wala

Muntazir kis ka hon tuti hui dahaliz pe mein

Koun aye ga yahan, koun hai ane wala

Kia khaber thi jo meri jaan mein gula hai itna

Hai wohi mujh ko sar e dar bhi lane wala

Mein ne dekha hai baharon mein chaman ko jalte

Hai koi khawab ki tabeer batane wala

Tum takaluf ko bhi ikhlas smjhte ho "Faraz"

Dost hota nahi har haath milane wala